chessfung

近年經濟好轉，政府民望又唔差，今年7.1遊行想要好似以前咁有過10萬人嘅盛况，真係mission impossible。不過社民連「長毛」梁國雄(相關)似乎未死心，噚日立下有10萬人上街就「剪」嘅聲明，剪嘅係佢嗰把招牌長髮，以長髮去呼籲市民上街又真係幾有新意。

02年入獄曾被剪成短髮

長毛噚日大大聲咁講：「如果下周二嘅7.1遊行有10萬人上街，我剪！」不過Emily就覺得，長毛嘅剪髮決心好明顯不足，否則嘅話，佢應該掉番轉話﹕「如果冇10萬人上街，我剪！」印象中，長毛都曾有過「短毛」的時候，就係02年因為在立法會抗議特首董建華(相關)宣讀施政報告，被判入獄17日，當時一頭長髮被剪短。

孔令瑜：民陣嘅儲備少過副局長月薪

搞7.1遊行嘅民陣，最近有啲手緊，副召集人孔令瑜噚日就喺記者會呼籲，班副局長和政治助應捐出部分人工贊助民陣，「我們民陣而家有嘅錢，仲少過一個副局長嘅月薪！」。咁即係民陣嘅儲備唔夠20萬，難怪要全力籌錢啦。